Բուլղարիան չի աջակցի ռուսական նավթի դեմ նոր պատժամիջոցներին

Բուլղարիայի վարչապետ Կիրիլ Պետկովն ասել է, որ երկիրը կարող է բացառություններ խնդրել, եթե ԵՄ-ի նոր հնարավոր պատժամիջոցները սահմանվեն Ռուսաստանից նավթի և գազի ներկրման դեմ: Պատճառը երկրի կախվածությունն է Ռուսաստանի մատակարարումներից, հաղորդում են արևմտյան լրատվամիջոցները:
Նա հավելել է, որ նման պատժամիջոցները կարող են լրջորեն ազդել Բուլղարիայի ու նրա տնտեսության վրա։
«Բուլղարիան լիովին կաջակցի բոլոր տեսակի միջոցներին, բացի այս երկուսից (նավթից և գազից), միգուցե մենք բացառություններ կխնդրենք: Մենք այս պահին այլընտրանք չունենք, մենք չափազանց կախված ենք»,- ասել է Պետկովը Reuters-ին տված հարցազրույցում: