Թեժ մարտեր են ընթանում. Ուկրաինայի ԳՇ

Ուկրաինայի Զինված ուժերը և Անվտանգության և պաշտպանության ուժերի ստորաբաժանումները շարունակում են մարտերը ռուսական զորքերից քաղաքները ազատագրելու համար, ասվում է Ուկրաինայի ԶՈւ գլխավոր շտաբի հայտարարության մեջ. գրում է «Ինտերֆաքս-Ուկրաինան»։

Նշվում է, որ «... ոչ միայն ուկրաինացի պաշտպանների զինված ստորաբաժանումները, այլև սովորական անզեն մարդիկ ակտիվ մարտական ​​գործողություններով թշնամուն վնաս են հասցնում...»։

Միևնույն ժամանակ, ռուսական զորքերը «շարունակում են գնդակոծել խաղաղ բնակչությանը՝ հրթիռակոծելով և ռմբակոծելով կարևոր ենթակառուցվածքային օբյեկտները և բնակելի շենքերը, հիվանդանոցները, մանկապարտեզները»։

«Ուկրաինայի զինված ուժերը շարունակում են որոշակի գծեր պահել բոլոր ուղղություններով, իսկ որոշ ուղղություններով հակահարձակման են ենթարկում և պարտադրում հակառակորդին նահանջել կորուստներով, խաթարել թիկունքի հաղորդակցությունը և ջախջախիչ հարվածներ հասցնել»,- ամփոփել է Գլխավոր շտաբը։