Եվրոպայի խորհուրդը կասեցնում է Ռուսաստանի ներկայացուցչական իրավունքները

ԵԽ կանոնադրությանը համապատասխան՝ Նախարարների կոմիտեն այսօր որոշում է կայացրել կասեցնել Ռուսաստանի՝ Նախարարների կոմիտեում և Խորհրդարանական վեհաժողովում ներկայացված լինելու իրավունքը՝ պայմանավորված Ռուսաստանի՝ Ուկրաինայի նկատմամբ զինված հարձակմամբ, հայտնում է ԵԽ պաշտոնական կայքը։

Այսօր ընդունված որոշումը նշանակում է, որ ՌԴ-ն մնում է Եվրոպայի խորհրդի անդամ և ԵԽ համապատասխան կոնվենցիաների, ինչպես նաև Մարդու իրավունքների եվրոպական կոնվենցիայի մասնակից։
ՌԴ կողմից Մարդու իրավունքների եվրոպական դատարանում ընտրված դատավորը նույնպես մնում է Դատարանի անդամ, իսկ ՌԴ դեմ ներկայացված դիմումները կշարունակեն քննվել և դատարանը դրանց վերաբերյալ որոշումներ կկայացնի:
Նշվում է, որ կասեցումը վերջնական միջոց չէ, այլ ժամանակավոր։