Երևան`   -9 °C
Այսօր`   Կիրակի, 23 հունվարի, 2022 թ.

Աղվան Հովսեփյանը կշարունակի մնալ կալանավորված

484
Երեքշաբթի, 30 նոյեմբերի, 2021 թ., 19:00
Աղվան Հովսեփյանը կշարունակի մնալ կալանավորված

ՀՀ նախկին գլխավոր դատախազ, ՔԿ նախկին նախագահ Աղվան Հովսեփյանը կշարունակի մնալ կալանավորված։ Վերաքննիչ քրեական դատարանը՝ դատավոր Տիգրան Սիմոնյանի նախագահությամբ, մերժեց Աղվան Հովսեփյանի կալանավորումը ևս երկու ամսով երկարացնելու որոշման դեմ պաշտպանների բողոքը։ Այս մասին «Փաստինֆո»-ին հայտնել է փաստաբան Էրիկ Ալեքսանյանը։

Նշենք, որ նոյեմբերի 2-ին Երևանի ընդհանուր իրավասության դատարանի դատավոր Դավիթ Արղամանյանը բավարարել էր Աղվան Հովսեփյանի կալանավորումը ևս երկու ամսով երկարացնելու մասին քննիչի միջնորդությունը։

Պաշտպանության կողմը վերաքննիչ բողոք է ներկայացրել դատարանի որոշման դեմ, որը մակագրվել է Վերաքննիչ քրեական դատարանի դատավոր Տիգրան Սիմոնյանին։