Երևան`   -2 °C
Այսօր`   Շաբաթ, 04 դեկտեմբերի, 2021 թ.

«Այդպես լինելու է այնքան ժամանակ, քանի դեռ քնած է ՀԱՅԻ համահավաք մտածողությունը». Սենոր Հասրաթյան

220
Ուրբաթ, 26 նոյեմբերի, 2021 թ., 02:12
«Այդպես լինելու է այնքան ժամանակ, քանի դեռ քնած է ՀԱՅԻ համահավաք մտածողությունը». Սենոր Հասրաթյան

Արցախի ՊԲ նախկին խոսնակ Սենոր Հասրաթյանը ֆեյսբուքյան իր էջում գրել է․ «Երբ պետության ղեկը, «ժողովրդավարության» քողի տակ՝ չմտածող ու պետականաքանդ զանգվածների կույր օժանդակությամբ, վերցնում են մարդիկ, ովքեր բացի այսրոպեական և ականջահաճո լոզունգներից այն կողմ ոչինչ չեն տեսնում, երկիրը դառնում է այնպիսին, ինչպիսինը կա այսօրվա Հայաստանը... Այսօր մենք գտնվում ենք հակաբևեռ զարգացումներով հեղեղված մի իրականության մեջ, որտեղ մի կողմում մտածելու կամ ճշմարտությունն ընկալելու ընդունակությունից զուրկ ամբոխն է, իսկ մյուս կողմում՝ ինչ-որ հրաշքի սպասող, սակայն ներքաղաքական վայրիվերումներից հոգնած հասարակությունը... Այդ երկուսի արանքում կա հասարակության ևս մի հատված, որը լինելով մտածող ու ազգային պատվախնդրությամբ օժտված, արդեն երեք տարուց ավելի փորձում է երկրի ընթացքը վերադարձնել բնականոն հուն, սակայն, վերը նշված չմտածող ու հրաշքի սպասող երկու հակադիր կողմերի դրսևորած պահվածքի պատճառով, բոլոր փորձերն ավարտվում են ապարդյուն...
Արդյունքում երկրի վարչապետի պաշտոնն զբաղեցնող անձը անում է այն, ինչ ուզում է, այդ թվում՝ համազգային հույժ կարևորության հիմնախնդիրներին առնչվող բանակցություններում, իսկ օրենսդիր մարմնի ղեկավարն էլ ոգևորված իր շեֆի ամենազորությամբ, որոշել է «ֆռֆռալ» 90 միլիոնանոց ծառայողական մեքենայով... Հավատացեք, այդպես լինելու է այնքան ժամանակ, քանի դեռ քնած է ՀԱՅԻ համահավաք մտածողությունը...
...Կդիմանա՞նք, արդյոք, մինչև զարթնելը»:

Աղբյուրը`   Սենոր Հասրաթյան