Երևան`   0 °C
Այսօր`   Հինգշաբթի, 21 հոկտեմբերի, 2021 թ.

«Լեռնային Ղարաբաղի հակամարտությունը շարունակում է մնալ չլուծված». Փաշինյանը՝ Պուտինին

176
Երեքշաբթի, 12 հոկտեմբերի, 2021 թ., 19:24
«Լեռնային Ղարաբաղի հակամարտությունը շարունակում է մնալ չլուծված». Փաշինյանը՝ Պուտինին

Ինչպես արդեն հայտնել ենք, այսօր Մոսկվայում մեկնարկել է Փաշինյան-Պուտին՝ այս տարվա արդեն 4-րդ դեմառդեմ հանդիպումը: Իր ողջույնի խոսքում ՀՀ վարչապետ Նիկոլ Փաշինյանը հայտարարեց, որ Պուտինի հետ իր հաճախակի հանդիպումները վկայում են Հայաստանի և Ռուսաստանի հարաբերությունների բարձր դինամիկայի, ինչպես նաև 2երկրների ռազմավարական և դաշնակցային փոխհարաբերությունների կարևորության երկկողմ գիտակցման մասին:

«Այժմ դինամիկ գործընթացներ են տեղի ունենում տարածաշրջանում և ամբողջ աշխարհում, և շատ կարևոր է, որ դաշնակիցները հաճախակի հանդիպեն և պարզեն միմյանց դիրքորոշումները»,- ասել է Փաշինյանը՝ ընդգծելով՝ մեր տարածաշրջանում դեռ չի կարելի խոսել իրավիճակի լիարժեք կայունացման մասին:

«Ինչպես Դուք նկատեցիք, Լեռնային Ղարաբաղի հակամարտությունը շարունակում է մնալ չլուծված և հասկանալի է, որ հակամարտության լուծման և մեր տարածաշրջանում անվտանգության ապահովման հարցում Ռուսաստանը խաղում է առանցքային դեր, հանդիսանում է ԵԱՀԿ Մինսկի խմբի համանախագահ և ուրախ եմ բոլոր այս հարցերը Ձեզ հետ քննարկելու հնարավորության համար»,- նշել է Փաշինյանը: