«Ցավոք, այսօր մեր օրը չէր». արքայազն Ուիլյամը մեկնաբանել է Անգլիայի հավաքականի պարտությունը

Մեծ Բրիտանիայի արքայազն Ուիլյամը ցավալի է համարել ֆուտբոլի Եվրոպայի առաջնության եզրափակչում Անգլիայի հավաքականի պարտությունը:

«Ցավալի է։ Շնորհավորանքներ Իտալիայի հավաքականին՝ մեծ հաղթանակի կապակցությամբ: Անգլիայի հավաքակա՛ն, դուք երկար ճանապարհ եք անցել, բայց, ցավոք, այսօր մեր օրը չէր։ Դուք կարող եք բարձր պահել գլուխներդ և հպարտանալ ինքներդ ձեզնով: Գիտեմ՝ ամեն ինչ առջևում է»,- Twitter-ում գրել է Քեմբրիջի դուքսը, ով նաև Անգլիայի ֆուտբոլային միության նախագահն է։

Նա անձամբ է ներկա գտնվել Լոնդոնի «Ուեմբլի» մարզադաշտում կայացած խաղին՝ ավագ որդու՝ 7-ամյա արքայազն Ջորջի ընկերակցությամբ։