Համաշխարհային նոր ռեկորդ՝ 37-ամյա կինը 10-յակ է լույս աշխարհ բերել
 Հունիսի լույս 8-ի գիշերը հարավաֆրիկյան Գաութենգ նահանգում ապրող ծննդկանը լույս աշխարհ է բերել միաժամանակ 10 երեխայի՝ սահմանելով համաշխարհային ռեկորդ: 37-ամյա Գոսիամե Թամարա Սիթհոլեն 10-յակ է լույս աշխարհ բերել Պրետորիայի ծննդատանը կեսարյան հատման միջոցով: Հատկանշական է, որ մինչ այդ բժիշկները սկանավորել էին 8 էմբրիոն: Ծննդկանի ամուսինը՝ Թեբոխո Ցոթեցին, պատմել է, որ կինը ծննդաբերել է հղիության 29-րդ շաբաթում: «7 տղա և 3 աղջիկ: Ես երջանիկ եմ: Ես լի եմ էմոցիաներով»,- ասել է նա: Ամուսինները նաև 6-ամյա երկվորյակների ծնողներ են: Բժիշկները պնդում են, որ սա բժշկության մեջ բացարձակապես եզակի երևույթ է, հատկապես, եթե հաշվի առնենք այն հանգամանքը, որ բեղմնավորումը տեղի է ունեցել բնական եղանակով: Բոլոր 10 երեխաներն առաջիկա ամիսներն անց կկացնեն ինկուբատորում: Նշենք, որ նախորդ ռեկորդը սահմանվել էր ընդամենը 1 ամիս առաջ, երբ Մալիի բնակչուհին Մարոկկոյում լույս աշխարհ բերեց միաժամանակ 9 երեխայի: Մինչ այդ ռեկորդակիրը 8-նյակ ծնած ամերիկուհի Նադյա Սուլեմենն էր, ով հղիացել էր արտամարմնային բեղմնավորման շնորհիվ:
|
«Բարեփոխում, որի արդյունքում հիվանդը մնում է առանց բժշկի». Անուշ Պողոսյան
149Երեկ, 23:42
«1.800.000 դրամով լեղապարկ են վիրահատո՞ւմ»․ Գևորգ Գրիգորյան (տեսանյութ)
156Երեկ, 09:42
Առանձին շրջաններում սպասվում են տեղումներ
98Երեկ, 08:18
«Մասնագետների և ոլորտի կարիքները գնահատում են, հետո նոր սկսում պրոյեկտը»․ Գևորգ Գրիգորյան
12510.03.2026, 10:06
Նախարարի մոր ընկերությունը շարունակում է պետպատվերներ ստանալ. «Ժողովուրդ»
12210.03.2026, 09:06
Իրանում լրջորեն վնասվել են մոտ 30 հիվանդանոց և 40 բժշկական կենտրոն
33210.03.2026, 00:37