Պատվաստվելուց հետո Վրաստանում մոտ 300 մարդ վարակվել է կորոնավիրուսով

Պատվաստումների առաջին կուրսն ավարտելուց հետո Վրաստանում մոտ 300 մարդ վարակվել է կորոնավիրուսով: Այս մասին հայտնել է Վրաստանի ԱՆ հիվանդությունների վերահսկման և հանրային առողջության ազգային կենտրոնի գլխավոր տնօրեն Ամիրան Գամկրելիձեն: «Մենք մոտ 300 դեպք ունենք, երբ մարդիկ առաջին դեղաչափը ստանալուց հետո վարակվել են: Սակայն գրեթե բոլորի մոտ վարակն ընթացել է բավականին թեթև, հաճախ՝ առանց ախտանշանների»,- ասել է պաշտոնյան:

Վրաստանում մարտի 15-ից սկսվել է բնակչության պատվաստման գործընթացը (AstraZeneca, Pfizer, Sinopharm): Իշխանությունները մինչև տարեվերջ պատրաստվում են պատվաստել չափահաս բնակչության 60 տոկոսին: