Երևան`   +10 °C
Այսօր`   Ուրբաթ, 29 մարտի, 2024 թ.

«Վարչապետն այսօր իր որոշմամբ ընթացք է տվել գաղափարի իրագործմանը»․ Արման Բաբաջանյան

279
Հինգշաբթի, 04 մարտի, 2021 թ., 21:05
«Վարչապետն այսօր իր որոշմամբ ընթացք է տվել գաղափարի իրագործմանը»․ Արման Բաբաջանյան

Անկախ պատգամավոր Արման Բաբաջանյանը ֆեյսբուքյան իր էջում գրել է․ «Անցյալ տարեվերջին հանդես էի եկել «ԵՌԱԲԼՈՒՐ» զինվորական պանթեոնը արցախյան ազատամարտում զոհվածների և անհայտ կորածների հուշահամալիրի վերստեղծման, վերակազմակերպման գաղափարով, որտեղ այցելությունն ու հատուկ զինվորական արարողությունը արցախյան երկրորդ պատերազմից հետո բոլորովին նոր իմաստ և կարևորություն է ստացել: Գաղափարի վերջնանպատակն է Եռաբլուր պանթեոնը ևս, ի հավելումն Հայոց ցեղասպանության հուշահամալիրի, դարձնել մեր երկիր այցելող օտարեկրյա պատվիրակությունների, երկրների և կազմակերպությունների ղեկավարների այցելության վայր:
Վարչապետը այսօր իր որոշմամբ ընթացք է տվել գաղափարի իրագործմանը և իր որոշմամբ ստեղծել է աշխատանքների համակարգման աշխատանքային խումբ: Առաջարկը, այս պահին մեր մտապատկերում առկա գաղափարները հանրային լայն քննարկման կներկայացնենք առաջիկայում»: