Իսպանիայի ծերանոցում #Pfizer-ով պատվաստվելուց հետո #COVID_19-ի բռնկում է հայտնաբերվել

Իսպանիայի Լագարտերա քաղաքի ծերանոցի բոլոր 78 բնակիչները վարակվել են կորոնավիրուսով, երբ պատվաստվել են Pfizer պատվաստանյութով, նրանցից 7-ը մահացել է։
Տոլեդո նահանգում հաստատության տնօրինությունը հայտնել է, որ այստեղ բնակվող բոլոր տարեցները պատվաստանյութի առաջին չափաբաժինը ստացել են հունվարի 13-ին: Արդեն 6 օր հետո նրանցից 10-ի մոտ առաջացել են հիվանդության նախանշաններ։ Նոր հիվանդների հայտնվելուց հետո որոշում է կայացվել բոլորին մեկուսացնել իրենց սենյակներում։
Փետրվարի 1-ի դրությամբ հաստատությունում մահացել է 7 մարդ, ևս 4-ը հոսպիտալացվել են, մյուսները շարունակում են բնակվել մեկուսացման ռեժիմում:
Տնօրինությունում հայտարարել են սանիտարական բոլոր նորմերի լիարժեք պահպանման մասին և նշել, որ COVID-19-ի համաճարակի սկզբից, սա առաջին դեպքն է հաստատության ներսում: