Երևան`   +10 °C
Այսօր`   Երկուշաբթի, 16 նոյեմբերի, 2026 թ.

Մյանմայում զինվորականները հեղաշրջում են իրականացրել

3018
Երկուշաբթի, 01 փետրվարի, 2021 թ., 11:55
Մյանմայում զինվորականները հեղաշրջում են իրականացրել

Մյանմայի զինված ուժերն այսօր հայտարարել են երկրում 1 տարի ժամկետով արտակարգ դրություն սահմանելու մասին։
Reuters գործակալության տվյալներով՝ զինվորականները հայտարարել են, որ այդ որոշումն իրենց կողմից ընդունվել է խորհրդարանական ընտրություններում կեղծիքների պատճառով:
Արտակարգ դրության մասին հայտարարությունը ստորագրել է փոխնախագահ Մյին Սվենը, ում զինվորականները հայտարարել են երկրի նախագահի պաշտոնակատար: Նրանք նաև հայտնել են, որ երկրում իշխանությունը կհանձնվի Մյանմայի զինված ուժերի գլխավոր հրամանատար Մին Աուն Հլայինին:
Հաղորդվում է նաև, որ երկուշաբթի առավոտյան ձերբակալվել են Մյանմայի նախագահ Վին Միինը և Մյանմայի իշխող «Ազգային լիգա հանուն ժողովրդավարության» կուսակցության ղեկավար Սան Սու Չժին, ով զբաղեցնում էր Պետական խորհրդականի և արտաքին գործերի նախարարի պաշտոնը: