Երևան`   +1 °C
Այսօր`   Երեքշաբթի, 02 մարտի, 2021 թ.

«Ադրբեջանը ուզել է հարցը լուծել միայն մեկ ճանապարհով»․ Լյովա Եղիազարյան

412
Շաբաթ, 23 հունվարի, 2021 թ., 03:05
«Ադրբեջանը ուզել է հարցը լուծել միայն մեկ ճանապարհով»․ Լյովա Եղիազարյան

«Հանրապետություն» կուսակցության անդամ Լյովա Եղիազարյանը ֆեյսբուքյան իր էջում գրել է․ «Պատերազմն անխուսափելի էր։ Այն ուշ, թե շուտ լինելու էր։
Թե հնարավոր էր լավ դիվանագիտության դեպքում այն բացառել, կամ միամտություն է, կամ՝ դեմագոգիա։
Ինչքան էլ որ առաջին նախագահը ցանկանար խաղալ լուծել թնջուկը, վերջին պահին Ադրբեջանը չէր համաձայնելու։
Երկրորդ նախագահը ուզենար Մեղրին էլ տալ ու յոթ շրջանները, Ադրբեջանը չէր ուզենա։
Կազանում երրորդ նախագահը պատրաստ էր հանձնել յոթ շրջանները, Ալիևը չհամաձայնեց։
Ադրբեջանը ուզել է հարցը լուծել միայն մեկ ճանապարհով՝ պատերազմի միջոցով։ Առաջին պատերազմում ստանալով քաղաքական, ռազմական ու, ամենակարևորն է, բարոյական ապտակ, Ալիևներն ուզել են Հայաստանին պատասխան տալ պատերազմի միջոցով ու հույս չունենալով, որ իրենց նպատակին կհասնեն միայնակ, նրանք ընդգրկեցին թուրքերին ու ահաբեկիչներին։
Եվ այն թեզը, որ այս իշխանության դիվանագիտական սխալն էր պատերազմի սանձազերծումը, մեղմ ասած հավկուրություն է։
Թե ինչու պարտվեցինք, կփորձեմ անդրառնալ առանձին՝ իր օբյեկտիվ ու սուբյեկտիվ պատճառներով»։