Երևան`   +8 °C
Այսօր`   Հինգշաբթի, 28 մարտի, 2024 թ.

«Մենք 1975-1976 թթ. քարտեզներ չունենք». Արխիվի նախկին տնօրենն արձագանքում է Տիգրան Ավինյանին

597
Չորեքշաբթի, 20 հունվարի, 2021 թ., 21:35
«Մենք 1975-1976 թթ. քարտեզներ չունենք». Արխիվի նախկին տնօրենն արձագանքում է Տիգրան Ավինյանին

Ազգային ժողովում, պատասխանելով ԲՀԿ խմբակցության պատգամավոր Շաքե Իսայանի հարցին, ՀՀ փոխվարչապետ Տիգրան Ավինյանը հայտարարեց, թե Հայաստանի և Ադրբեջանի միջև սահմանների հաստատումը տեղի է ունենալու 1975-1976 թվականների քարտեզների հիման վրա: ArmLur.am-ը փորձել է պարզել՝ ինչ քարտեզների մասին է խոսքը և որքանով է այն ձեռնտու հայկական կողմին: Սակայն պարզվում է՝ անգամ Հայաստանի ազգային արխիվի նախկին տնօրեն Ամատունի Վիրաբյանն որևէ պատկերացում չունի այդպիսի քարտեզի առկայության մասին և անգամ չի էլ տեսել այն: «Ես այդ քարտեզից տեղյակ չեմ: Իմ իմացած քարտեզները, որոնք մենք ստացել ենք, 1944, 45, 46 թվականների քարտեզներ են, եթե անկեղծորեն ասեմ: Իսկ Ավինյանի ասած քարտեզներից ես տեղյակ չեմ և մենք չենք ունեցել: Երբ ես ժամանակին դիմել եմ Ռուսաստանի Դաշնությանը, ինձ ուղարկել են նշված ժամանակների քարտեզները: Մենք չունենք էլ այդպիսի քարտեզներ. ընդգծենք՝ խոսքը դպրոցական քարտեզների մասին չէ», – նշել է նա: