Երևան`   +13 °C
Այսօր`   Հինգշաբթի, 28 մարտի, 2024 թ.

Ջո Բայդենը հայազգի Հայկ Հաջինազարյանին նշանակել է Սպիտակ տան տարածաշրջանային հաղորդակցության գծով ղեկավար

381
Շաբաթ, 16 հունվարի, 2021 թ., 14:50
Ջո Բայդենը հայազգի Հայկ Հաջինազարյանին նշանակել է Սպիտակ տան տարածաշրջանային հաղորդակցության գծով ղեկավար

Միացյալ Նահանգների նորընտիր նախագահ Ջո Բայդենը հայազգի Հայկ Հաջինազարյանին նշանակել է Սպիտակ տան տարածաշրջանային հաղորդակցության գծով ղեկավար:

Հայկ Հաջինազարյանը նախկինում եղել է Բայդենի քարոզարշավի Արևմտյան Փենսիլվանիա նահանգի մամուլի քարտուղար: Ավելի վաղ՝ ընտրությունների քարոզարշավի ժամանակ, տեղեկատվական աջակցություն է ցուցաբերել Նյու Հեմփշիրում, Նեվադայում, Տեխասում, Օհայոյում:

Քարոզարշավին միանալուց առաջ նա աշխատում էր ԱՄՆ Կոնգրեսում՝ սկզբում որպես Ինդիանա նահանգի սենատոր Ջո Դոնելիի մամուլի օգնական, ապա Ներկայացուցիչների պալատի Ազգային անվտանգության հանձնաժողովի մեծամասնության աշխատակազմի մամուլի քարտուղարի տեղակալ:

Ծնվել է Օհայոյի Կոլումբուս քաղաքում, լիբանանահայ ներգաղթյալ ծնողների ընտանիքում: Հաջինազարյանը ավարտել է Ինդիանայի համալսարանը և Վաշինգթոնի համալսարանի քաղաքական կառավարման բարձրագույն դպրոցը: