Երևան`   +9 °C
Այսօր`   Ուրբաթ, 05 մարտի, 2021 թ.

Մաքոլեյ Քալքինը պաշտպանել Է Թրամփին «Տանը մենակ 2»-ից հեռացնելու գաղափարը

1438
Շաբաթ, 16 հունվարի, 2021 թ., 18:15
Մաքոլեյ Քալքինը պաշտպանել Է Թրամփին «Տանը մենակ 2»-ից հեռացնելու գաղափարը

Դերասան Մաքոլեյ Քալքինը, ով գլխավոր դեր է խաղացել «Տանը մենակ» և «Տանը մենակ 2» ֆիլմերում, պաշտպանել է ԱՄՆ նախագահ Դոնալդ Թրամփին ֆիլմի 2-րդ մասից հեռացնելու առաջարկը:
1992թ․-ին ապագա ամերիկացի առաջնորդը էպիզոդիկ դեր է խաղացել հանրահայտ ֆիլմում։ Փոքր դերի ժամանակ Թրամփը գլխավոր հերոսին բացատրում է, թե ինչպես անցնել Plaza հյուրանոցի նախասրահով։
Նյու Յորքի շքեղ Plaza հյուրանոցը, որտեղ ընթացել են նկարահանումներն, այն ժամանակ պատկանում էր Թրամփին։ Նա պայման է ներկայացրել ֆիլմի ռեժիսորին՝ նկարահանող խումբը կարող է հյուրանոցն օգտագործել միայն այն դեպքում, եթե ինքը հայտնվի կադրում։
Այժմ Թրամփի ընդդիմադիրներն օգտագործում են այս դրվագը՝ ցույց տալու իրենց վերաբերմունքը Թրամփի նկատմամբ:
Այսպիսով, Twitter-ի օգտատերերից մեկը փոփոխված հատված է հրապարակել, որում Թրամփը հյուրանոցի նախասրահում չի երևում։
«Բրավո»,- մեկնաբանել է գլխավոր դերակատարը։