Երևան`   -4 °C
Այսօր`   Ուրբաթ, 22 հունվարի, 2021 թ.

«Եթե բրիտանական շտամն էլ չգա Հայաստան, կարող է ունենանք երրորդ ալիք». Նունե Բակունց

766
Երեքշաբթի, 12 հունվարի, 2021 թ., 12:45
«Եթե բրիտանական շտամն էլ չգա Հայաստան, կարող է ունենանք երրորդ ալիք». Նունե Բակունց

«Եթե բրիտանական շտամն էլ չգա Հայաստան, միևնույն է, կարող է ունենանք երրորդ ալիք»,- այսօր՝ ասուլիսի ժամանակ հայտարարեց Հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ Նունե Բակունցը՝ նշելով, որ բրիտանական շտամն ավելի հեշտ է վարակում մարդկանց:

«Պետք է նշել, որ թեպետ հիմա ամբողջ աշխարհը խոսում է բրիտանական շտամի մասին, բայց վիրուսն ունի մի շարք այլ շտամներ, որովհետև արագ փոփոխվելը բնորոշ է վիրուսներին: Հատկապես կորոնավիրուսը, լինելով նոր վիրուս, դեռևս արտաքին միջավայրում տեղավորվում է և անընդհատ փոփոխվում է, որ իր համար նպաստավոր տարբերակ գտնի»,- նկատեց Բակունցը:

Հարցին, թե երրորդ ալիքի հավանականության դեպքում արդյոք ռիսկային չէ հավաքույթների սահմանափակումը հանելը, Նունե Բակունցը պատասխանեց. «Հանվել է միայն անձանց քանակի սահմանափակումը, սակայն չեն հանվել դրանց կազմակերպման պահանջները»: