ԵՄ առաջնորդներն ընդլայնել են Թուրքիայի դեմ պատժամիջոցները

Եվրոմիության պետությունների և կառավարությունների ղեկավարները որոշում են ընդունել ընդլայնել Թուրքիայի նկատմամբ պատժամիջոցները՝ Արևելյան Միջերկրածովյան տարածաշրջանում ապօրինի հորատման համար,

այս մասին ասվում է հարցի քննարկման արդյունքներով հայտարարությունում: «ԵՄ-ը շարունակում է հավատարիմ մնալ միության և դրա անդամ-պետությունների շահերի պաշտպանությանը, ինչպես նաև տարածաշրջանային կայունության պահպանմանը: Դրա հետ կապված՝ գագաթնաժողովը ԵՄ Խորհրդին հանձնարարում է լրացուցիչ սև ցուցակ ընդունել՝ Միջերկրական ծովում Թուրքիայի անօրինական գործունեության պատճառով սահմանափակող միջոցների մասին 2019 թվականի նոյեմբերի 11-ի որոշման հիման վրա»,- ասվում է դրանում:

Ղեկավարները ԵՄ դիվանագիտության նախագահ Ժոզեպ Բորելին հանձնարարել են նաև Անկարայի դեմ պատժամիջոցների ընդլայնման այլ տարբերակներ ներկայացնել 2021թ. մարտի գագաթնաժողովին: