Աշխարհում կորոնավիրուսով վարակվել է արդեն ավելի քան 68 միլիոն մարդ

Նոր կորոնավիրուսային վարակի (COVID-19) հաստատված դեպքերի թիվն ամբողջ աշխարհում գերազանցել է 68 միլիոնը: Ըստ Worldometer կայքի թարմացված տվյալների՝ դեկտեմբերի 8-ին վարակման դեպքերի թիվը հասել է 68 012 743-ի: Ընդհանուր առմամբ COVID-19-ի հետևանքով աշխարհում մահացել է 1 552 203 մարդ։ Վտանգավոր վարակից ապաքինվածների թիվը հասել է 47 105 562-ի։

ԱՄՆ-ում COVID–19 վարակի դեպքերի ամենամեծ թիվն է գրանցվել՝ 15 370 339 մարդ:

ԱՄՆ-ին հաջորդում է Հնդկաստանը (9 703 908), Բրազիլիան (6 628 065), Ռուսաստանը (215 009), Ֆրանսիան (2 295 908), Իտալիան (1 742 557), Մեծ Բրիտանիան (1 737 960), Իսպանիան (1 725 700), Արգենտինան (1 466 309), Կոլումբիան (1 377 100) և Գերմանիան (1 200 006):