Երևան`   +1 °C
Այսօր`   Երկուշաբթի, 18 հունվարի, 2021 թ.

«Մենք սկսեցինք պարտվել, երբ մեր ժողովրդին պառակտեցին սևերի, սպիտակների, արցախցիների». Դադիվանքի վանահայր

261
Շաբաթ, 05 դեկտեմբերի, 2020 թ., 16:05
«Մենք սկսեցինք պարտվել, երբ մեր ժողովրդին պառակտեցին սևերի, սպիտակների, արցախցիների». Դադիվանքի վանահայր

«Գիտեմ, որ եկել եք ձեր արդար ձայնը բարձրացնելու, բայց կան մարդիկ, որոնք ուզում են այս ամենը կռվի վերածել: Եթե այդպիսիները կան, խնդրում եմ վաղը, մյուս օրը հավաքվենք ու գնանք այնտեղ, որտեղ պետք է կռվենք: Այն սահմանում, որտեղ թշնամին մեզ է սպասում»,- Ազատության հրապարակում հանրավաքի ժամանակ ասաց Դադիվանքի վանահայր Տեր Հովհաննեսը:

«Մենք պիտի մաքրենք մեր երկիրը: Սա դեռ սկիզբն է: Այսօր Դադիվանքի պարսպի տակ թուրքն է քայլում: Երեկ ուդիները այնտեղ իրենց ծառայությունն են մատուցել, բայց մեր հոգևորականների ներկայությամբ: Այսօր դրա մասին պետք է մտածենք: Մենք պետք է հզորանանք մեր հավատքի, մեր սիրո մեջ»,- շեշտեց Տեր Հովհաննեսը՝ հավելելով. «Մենք սկսեցինք պարտվել, երբ մեր ժողովրդին պառակտեցին սևերի, սպիտակների, արցախցիների. մենք հայ ենք»: