Երևան`   +2 °C
Այսօր`   Շաբաթ, 16 հունվարի, 2021 թ.

«Մեր անկազմակերպվածության պատճառներից մեկն ընդհանուր գործ անելու մշակույթի բացակայությունն է». Գ. Միսկարյան

260
Երկուշաբթի, 30 նոյեմբերի, 2020 թ., 23:30
«Մեր անկազմակերպվածության պատճառներից մեկն ընդհանուր գործ անելու մշակույթի բացակայությունն է». Գ. Միսկարյան

«Քաղաքացու որոշում» սոցիալ-դեմոկրատական կուսակցության անդամ Գարեգին Միսկարյանը ֆեյսբուքյան իր էջում գրել է. «Նորից բանակի մասին.
Նրանք, ովքեր կարծում են, որ պարբերական զորակոչով և մինչև հիսուն տարեկան քաղաքացիներից կազմված Զինված ուժերը և Քաղպաշտպանության ուժերը պետության կողմից պատերազմի (ռևանշիզմի) պատրաստվելու նպատակ ու տրամաբանություն ունի, խնդրում եմ ուսումնասիրել Շվեյցարիայի օրինակը, որը վերջին անգամ պատերազմել է 1848 թվականին։ Պետության լավ բանակը, պետության բարձր պաշտպանվածությունը դիվանագետի ձեռքի «զենքն» է բանակցություններում նպաստավոր դիրքերից խոսելու, սուվերենության և հանրության կողմից հռչակված արժեքներով ապրելու իրավունքի գրավականը։
Մեր անկազմակերպվածության հիմնական պատճառներից մեկը ընդհանուր գործ անելու մշակույթի բացակայությունն է։ Լավ կազմակերպված և ամբողջ կյանքի ընթացքում պարբերաբար թարմացվող ծառայությունը կնպաստի, մեր՝ որպես հանրության, կրիտիկական իրվիճակներում համաձայնեցված գործելու ունակության զարգացմանը, ինչպես նաև հանրության մեջ արատավոր բարքերի կտրուկ նվազեցմանը։
Մինչև հիսուն տարեկան քաղաքացիներից ձևավորված զինված ուժերը նաև հնարավորություն է ձևավորման տարիքում գտնվող մեր 18-20 տարեկանների համար, երբ մարդը իր մասնագիտական ունակությունների ու գիտելիքների ձեռքբերման կարևորագույն փուլում է, կրճատել պարտադիր ծառայության ժամանակը դարձնել այն մեկ տարի, կամ մեկուկես տարի (գուցե վեց ամիս, հաշվելու հարց է) և/կամ այն տարկետել մի որոշ ժամանակով։ Հնարավորություն տալ գալիք սերնդին ստանալ չընդհատվող կրթություն, զբաղվել մեզ այդքան անհրաժեշտ գիտությամբ»: