Ի՞նչ մեխանիզմ է գործում Լարսով Հայաստան հասնելու. «Հրապարակ»
«Հրապարակ» թերթը գրում է. «Լարսի անցակետը շարունակում է փակ մնալ։ ՀՀ քաղաքացիները մարտ ամսից ի վեր, ինչ աշխարհում մոլեգնեց կորոնավիրուսը, զրկվեցին Վրաստան և Վրաստանով Ռուսաստան մեկնելու հնարավորությունից։ Թեպետ ՌԴ-ն բացել է սահմանները, ու օդային ճանապարհով կարող են մեկնել, սակայն ցամաքայինով, որն անցնում է Վրաստանով, անհնար է։ Տարածքային կառավարման և ենթակառուցվածքների նախարարությունից մեզ ասացին՝ Լարսի անցակետը փակ է ուղևորափոխադրումների համար․ «Խնդիրն այն է, որ վրացական կողմը փակել է Վրաստան-Հայաստան և Վրաստան-Ռուսաստան սահմանը՝ պայմանավորված կորոնավիրուսով»։ Հայ-վրացական և վրաց-ռուսական սահմանը կարող են հատել միայն բեռնատարները։ Մեզ ասացին, որ ցամաքային ճանապարհով շարքային քաղաքացիները Ռուսաստան կարող են մեկնել միայն որպես բեռնատարի վարորդ՝ բեռնափոխադրման անվան տակ։ Այսինքն՝ կարող են մեկնել միայն համապատասխան վարորդական իրավունք ունեցող տղամարդիկ, որոնք բեռնատար են վարում։ Մեխանիզմը հետևյալն է․ այստեղից վերցնում են որեւէ բեռնատար մեքենա, լրացնում բեռնափոխադրման համապատասխան թղթերը և այն վարելով՝ մեկնում Ռուսաստանի Դաշնություն։ Լարսի անցակետը հատելուց հետո բեռնատարը թողնում են ՌԴ տարածքում, այլ մեքենայով մեկնում իրենց ուզած քաղաքը։ Բեռնատարն էլ մեկ ուրիշ վարորդ հետ է բերում Հայաստան։ Սա բավականին թանկ հաճույք է, մեզ ասացին՝ մոտ 500 հազար դրամ է նստում բեռնատարով նման մեկ այցը Ռուսաստան, եթե, իհարկե, իրականում բեռնատարի վարորդ չես։ Այս ամիսներին շատերը ճարահատյալ դիմել են այս քայլին՝ նման խոշոր գումար վճարելով ՌԴ մեկնելու համար»: Առավել մանրամասն՝ թերթի այսօրվա համարում: |
«Ցանկացած երկիր, որը ցանկանում է ինքնիշխան դառնալ, պարտավոր է ընդունել այդ օրենքը»․ Վոլոդին
5019:00ԵԽԽՎ-ն ոչ լեգիտիմ է ճանաչել Պուտինի իշխանությունը
16018:00«Փաշինյանը Տավուշում մոտավորապես էս պատկերն է ներկայացրել»․ Դավիթ Գալստյան
8117:00«Հիմա ո՞ւր է տարածքներ տալը բացառած Հայկ Չոբանյանը»․ Ոսկան Սարգսյան
6916:48Վազգեն Մանուկյանը բաց նամակ է հղել Կոնստանտին Զատուլինին
8516:18Ադրբեջանի ՀԿ-ները բաց նամակ են հղել Նոբելյան կոմիտե՝ ընդդեմ Ռուբեն Վարդանյանի թեկնածության
8116:00