Վաղարշակ Հարությունյանը Ռուստամ Մուրադովի հետ քննարկել է գերիների վերադարձի հարցը
 Նոյեմբերի 27-ին ՀՀ պաշտպանության նախարար Վաղարշակ Հարությունյանն ընդունել է Լեռնային Ղարաբաղի հակամարտության գոտում հրադադարի ռեժիմի վերահսկման նպատակով տեղակայված ՌԴ խաղաղապահ զորախմբի հրամանատար, գեներալ-լեյտենանտ Ռուստամ Մուրադովին: Պաշտպանական գերատեսչության ղեկավարը շնորհակալություն է հայտնել խաղաղապահ զորախմբի արագ ծավալման և Լեռնային Ղարաբաղում խաղաղության հաստատման ու պահպանման ուղղությամբ իրականացված մեծածավալ աշխատանքների համար։ Հանդիպման ընթացքում պաշտպանության նախարար Վաղարշակ Հարությունյանը հատուկ շեշտադրել է գերիների վերադարձի, ինչպես նաև անհայտ կորածների որոնողական աշխատանքների անցկացման և զինծառայողների մարմինների փոխանակման գործընթացի կարևորությունը։ Նշվել է, որ այդ աշխատանքների արդյունավետ կազմակերպման համար Լեռնային Ղարաբաղում ձևավորվել է հատուկ շտաբ, որի կազմի մեջ է մտնում նաև ՀՀ ՊՆ ներկայացուցիչը։ Վաղարշակ Հարությունյանի խնդրանքով գեներալ-լեյտենանտ Ռուստամ Մուրադովը ներկայացրել է խաղաղապահ առաքելության իրականացման ընթացքը և իրավիճակը խաղաղապահ զորախմբի տեղակայման վայրերում։ |
«Պակասում է միայն Ադրբեջանի քաղաքական կամքը». դեսպան
263Երեկ, 22:54
«Այս խուլիգանական արարքն արժանանալու է օրենքի ամենախիստ արձագանքին». Ալեն Սիմոնյան (տեսանյութ)
376Երեկ, 15:30
ՔԿ-ն՝ 4 զինծառայողի կյանք խլած վթարի մասին
346Երեկ, 15:24
ՀՀ ԱԳՆ-ն արձագանքել է Լոնդոնի հետ ներգաղթյալների հարցով բանակցելու մասին հրապարակմանը
370Երեկ, 14:06
Իսրայելը որոշում է կայացրել
623Երեկ, 00:18
«Ես երբեք չեմ եղել Դաշնակցության անդամ». Հրանտ Տեր-Աբրահամյան
42314.04.2024, 20:24