«Ձենդ կտրի, բան ունես ասելու, արի էստեղից ասա». վիճաբանություն ԱԺ-ում

Այսօր ԱԺ-ում՝ ռազմական դրությունը չեղարկելու վերաբերյալ նիստի ժամանակ վիճաբանություն տեղի ունեցավ ԱԺ փոխխոսնակ Վահե Էնֆիաջյանի և «Իմ քայլը» խմբակցության պատգամավորների միջև։ Էնֆիաջյանը հայտարարեց, որ պարտված իշխանությունը մեղադրում է ընդդիմությանը, ապա ամբիոնից դիմելով Հերիքնազ Տիգրանյանին ասաց․ «Տիկի՛ն Տիգրանյան, հազարավոր զոհեր ունենք, տարածքներ ենք կորցրել և ոչ մի հարց չեք լուծել»։
Դահլիճից իմքայլականներն արձագանքեցին Էնֆիաջյանին՝ ինչի՞ եք գոռում, ինչին ի պատասխան Էնֆիաջյանն ասաց․
«Լավ ենք անում, քիչ ենք անում... Ձենդ կտրի՛, բան ունես խոսալու, արի ստեղից խոսա»։