Երևան`   -8 °C
Այսօր`   Ուրբաթ, 22 հունվարի, 2021 թ.

«Վաղը Արցախի ճանաչման այս բանաձևը կոգեշնչի եվրոպական այլ երկրների». Վալերի Բուայե

311
Չորեքշաբթի, 25 նոյեմբերի, 2020 թ., 21:30
«Վաղը Արցախի ճանաչման այս բանաձևը կոգեշնչի եվրոպական այլ երկրների». Վալերի Բուայե

«Մնալ չեզոք, իմանալով որ Թուրքիան ջիհադիստների է ուղարկում, իմանալով որ Թուրքիան ու Ադրբեջանն էթնիկ զտումներ են իրականացնում, չեզոք մնալ նշանակում է լքել բարեկամ Հայաստանին, ականատես լինել ցեղասպանությանը: Չեզոք մնալ նշանակում է օգնել թուրք-ադրբեջանական դիկտատուրային»,- այսօր՝ Ֆրանսիայի Սենատում Արցախի անկախությունը ճանաչելու բանաձևի քննարկման ժամանակ ասաց Սենատոր Վալերի Բուայեն:

Սենատորը շեշտել է, որ Արցախը պատմական հայկական տարածք է, որտեղ հնագույն ժամանակներից ապրել են էթնիկ հայեր:

«Այսօր այստեղ Ֆրանսիայի արժանապատվության հարցն է քննարկվում: Արցախի անկախության ճանաչումը հնարավորություն կտա խաղաղության բանակցություններ վերսկսել Արցախի համար, որը փոքր է չափերով, բայց մեծ՝ իր պատմությամբ, մշակույթով: Ֆրանսիան առաջինն էր, որ ճանաչեց հայերի ցեղասպանությունը, և մենք պետք է առաջինը լինենք, որ ճանաչենք Արցախի անկախությունը: Վաղն այս բանաձևը կոգեշնչի նաև այլ եվրոպական երկրների»,- ասաց Բուայեն: