Երևան`   +5 °C
Այսօր`   Ուրբաթ, 29 մարտի, 2024 թ.

«Ֆրանսիացիք գոռում են հայերի պատմական իրավունքների մասին, մերոնք՝ լռում». Դավիթ Գրիգորյան

410
Չորեքշաբթի, 25 նոյեմբերի, 2020 թ., 20:40
«Ֆրանսիացիք գոռում են հայերի պատմական իրավունքների մասին, մերոնք՝ լռում». Դավիթ Գրիգորյան

Շրջակա միջավայրի նախարար Ռոմանոս Պետրոսյանի նախկին մամուլի խոսնակ Դավիթ Գրիգորյանը ֆեյսբուքյան իր էջում գրել է. «Նրանք ավելի՞ հայ են, քան մենք:
Հենց հիմա ֆրանսիայի Սենատը քննարկում է Արցախի անկախության ընդունման բանաձևը։
ՀՀ ԱԺ-ում լռություն է։ Ֆրանսիացիք գոռում են ադրբեջանցիների ռազմական հանցագործությունների մասին, մերոնք՝ լռում։ Ֆրանսիացիք գոռում են հայերի պատմական իրավունքների մասին, մերոնք՝ լռում։ Ֆրանսիացիք պահանջում են աշխարհից արդարություն մե՛ր համար, մերոնք՝ լռում։
Իմքայլականներ, մտեք խորհրդարան, գույքագրեք մեղադրանքները, սկսեք ուղարկել նամակներ միջազգային բոլոր կառույցներին, իրավապաշտպան կազմակերպություններին, պետությունների կառավարություններին, դատարաններին։ Մի բան արե՛ք, իշխանություն եք։
Շարժվե՛ք, հա՛յ եք։ Պաշտպանե՛ք իմ, մե՛ր իրավունքները։ Սկսե՛ք պայքարել, գործեք, դռներ ջարդեք, պարտադրեք, կռիվ տվեք գոնե հիմա։ Պետություն ենք, ի վերջո։
Թե չեք կարող՝ ՀԵՌԱՑԵ՛Ք։
Տանուլ ենք տալիս անգամ տանուլ տալուց հետո։ Մի խայտառակեք մեզ աշխարհի առաջ։ Գործ արեք, գործե՛ք»: