Երևան`   -11 °C
Այսօր`   Կիրակի, 24 հունվարի, 2021 թ.

«Ստեղծված իրավիճակն ստիպում է հետաձգել նախագիծս». Սրբուհի Գրիգորյան

174
Երեքշաբթի, 24 նոյեմբերի, 2020 թ., 15:10
«Ստեղծված իրավիճակն ստիպում է հետաձգել նախագիծս». Սրբուհի Գրիգորյան

ԱԺ «Լուսավոր Հայաստան» խմբակցության պատգամավոր Սրբուհի Գրիգորյանը ֆեյսբուքյան իր էջում գրել է. «Սիրելի՛ քաղաքացիներ, ինչպես գիտեք գյուղական բնակավայրում ուսուցման որակի բարձրացման և ուսուցիչների պակասի խնդիրը լուծելու նպատակով շրջանառության մեջ եմ դրել «ՀՀ հարկային օրենսգրքում փոփոխություն և լրացում կատարելու մասին» նախագիծը:

Սրանով Հայաստանի Հանրապետության սահմանամերձ բնակավայրերի հանրակրթական ուսումնական հաստատությունների ուսուցիչների աշխատավարձի և դրան հավասարեցված այլ վճարումների մասով եկամտային հարկը 2021-ի հունվարի 1-ից պետք է հաշվարկվեր 10 տոկոս դրույքաչափով:

Սա որոշակի չափով կավելացներ սահմանամերձ բնակավայրում աշխատող ուսուցիչների եկամուտները... Ստեղծված իրավիճակն ստիպում է ժամանակավորապես հետաձգել նախագիծս...

Դա կապված է սահմանամերձ բնակավայրերի ավելացման, հետպատերազմական շրջանում նաև այլ խնդիրների հետ... Ուզում եմ տեղեկացնել, որ կրթական խնդիրները մնում են իմ ուշադրության կենտրոնում, որովհետև համոզված եմ, որ կրթությունն է բոլոր ոլորտների աճի բազիսը...

Եթե մենք ունենանք որակյալ դպրոց, բուհ, կունենանք և՛ գերազանց պաշպանություն, և՛ լավ ու գործուն նախարարներ, և՛ լավ ու աշխատող պատգամավորներ, և՛ լավ ու հաղթող կառավարություն...»: