Երևան`   0 °C
Այսօր`   Կիրակի, 17 հունվարի, 2021 թ.

ՌԴ ՊՆ կայքում Ղարաբաղում ռուս խաղաղապահների վերաբերյալ բաժին է բացվել

970
Ուրբաթ, 13 նոյեմբերի, 2020 թ., 15:50
ՌԴ ՊՆ կայքում Ղարաբաղում ռուս խաղաղապահների վերաբերյալ բաժին է բացվել

«Ռուս խաղաղապահ զորակազմ Լեռնային Ղարաբաղում» հատուկ բաժին է հայտնվել ՌԴ Պաշտպանության նախարարության պաշտոնական կայքում, հաղորդել է ՌԴ ՊՆ տեղեկատվության և զանգվածային հաղորդակցությունների դեպարտամենտը, փոխանցում է РИА Новости-ն։
«Նոր բաժնում կհրապարակվեն արդիական լրատվական և մուլտիմեդիա ձևաչափով նյութեր, ինֆոգրաֆիկա, ինչպես նաև խաղաղապահ գործողության անցկացման մասին ՌԴ Պաշտպանության նախարարության ղեկավար կազմի ճեպազրույցները»,-ասված է հաղորդագրության մեջ:
Բացի այդ, ցանկացողները կարող են ծանոթանալ Լեռնային Ղարաբաղի տարածքում առկա իրավիճակին և Լաչինի միջանցքի շրջանում ռուսական դիտակետերի տեղակայմանը:
Նշվում է, որ նոր բաժինը կհամալրվի ռուս խաղաղապահների աշխատանքի և հակամարտության գոտում իրավիճակի մասին օբյեկտիվ և ակտուալ նյութերով: Բաժինը թարգմանվել է նաև օտար լեզուներով: