Երևան`   0 °C
Այսօր`   Հինգշաբթի, 09 դեկտեմբերի, 2021 թ.

Ղարաբաղյան խնդրի կարգավորման շուրջ զարգացումներն առջևում են․ «Ժողովուրդ»

867
Ուրբաթ, 13 նոյեմբերի, 2020 թ., 08:55
Ղարաբաղյան խնդրի կարգավորման շուրջ զարգացումներն առջևում են․ «Ժողովուրդ»

«Ռուսական պատվիրակությունը այսօր՝ նոյեմբերի 13-ին, կայցելի Թուրքիա՝ Լեռնային Ղարաբաղում համատեղ դիտորդական կենտրոն ստեղծելու շուրջ բանակցությունների համար։ Նախօրեին Ռուսաստանի և Թուրքիայի պաշտպանության նախարարները հուշագիր էին ստորագրել Լեռնային Ղարաբաղում հրադադարի վերահսկողության համատեղ կենտրոն ստեղծելու մասին։

Ռուսաստանի ռազմական գերատեսչության տարածած հաղորդագրության համաձայն՝ համատեղ կենտրոնը գտնվելու է Ադրբեջանի տարածքում, կենտրոնը պետք է հետևի հրադադարի ռեժիմի պահպանմանը, տեղեկություն հավաքի, ամփոփի և ստուգի հրադադարը խախտելու մասին ամբողջ տեղեկությունը։

Իսկ Ռուսաստանի արտգործնախարար Սերգեյ Լավրովը երեկ խոսեց նաև Ղարաբաղի կարգավիճակի մասին՝ ասելով, որ անհրաժեշտ է քննարկել կարգավիճակի հետ կապված բոլոր հարցերը՝ հաշվի առնելով բոլոր մարդկանց իրավունքները, այնտեղ ապրող մարդկանց, և այն մարդկանց, որ այնտեղ ապրել են և պետք է վերադառնան»:

Նյութն ամբողջությամբ կարդացեք թերթի այսօրվա համարում: