Երևան`   +16 °C
Այսօր`   Ուրբաթ, 29 մարտի, 2024 թ.

«Ավելի լավ է քչով, բայց կարգապահությամբ». Կարպիս Փաշոյան

343
Երեքշաբթի, 27 հոկտեմբերի, 2020 թ., 13:40
«Ավելի լավ է քչով, բայց կարգապահությամբ». Կարպիս Փաշոյան

Հրապարակախոս Կարպիս Փաշոյանը ֆեյսբուքյան իր էջում գրել է. «Իմաստ չկա բոլորին հավաքել ու լցնել խրամատները, հատկապես երբևէ խրամատ, ավտոմատ ու նռնակ չտեսածներին։ Միևնույն է առաջին կրակոցի դեպքում նրանք լքելու են մարտական դիրքերն ու կոտորվելու են։ Կոտորվելով մահվան են դատապարտելու նաև կանոնավոր բանակի ժամկետային զինծառայողներին՝ թողնելով նրանց շրջափակման մեջ։ Սա մենք արդեն տեսել ենք։

Առաջարկում եմ դասալքության, թասիբի և նմանատիպ այլ թեմաները գոնե ժամանակավորապես հետաձգել։ Հիմա բանակին իրական ռեսուրս է անհրաժեշտ, իսկ ավելի կոնկրետ մասնագետներ՝ հրետանավորներ, հակատանկիստներ, տանկիստներ, ինչպես նաև հատուկ պատրաստություն անցած մոտոհրաձգային ստորաբաժանման համար նախատեսված զենքերի տիրապետող մարդիկ։

Իմաստ չկա հազարների հավաքել ու բոլորին մսաղացը լցնել, ավելի լավ է քչով, բայց կարգապահությամբ ու իրական արդյունքով։

Բոլոր նորմալ մարդիկ վախենում են, վախը բնական, անխուսափելի երևույթ է, ընդամենը պետք է սովորել կառավարելի դարձնել այն»։