Երևան`   +18 °C
Այսօր`   Երկուշաբթի, 26 հոկտեմբերի, 2020 թ.

«Սմերչով» հրթիռակոծվել է Կարմիր Շուկա համայնքը. կա զոհ

203
Հինգշաբթի, 15 հոկտեմբերի, 2020 թ., 20:25
«Սմերչով» հրթիռակոծվել է Կարմիր Շուկա համայնքը. կա զոհ

Հակառակորդը «Սմերչով» հրթիռակոծել է Մարտունու Կարմիր Շուկա համայնքը. խաղաղ բնակիչ է զոհվել։ Տեղեկությունը հայտնում է ԱՀ Արտակարգ իրավիճակների պետական ծառայությունը։

«Հումանիտար հրադադարի հերթական խախտումը գրանցվեց ժամը 19։00-ին։ Նշանակետում Մարտունու շրջանի Կարմիր Շուկա համայնքն էր»,– ասված է հաղորդագրության մեջ։

Տեղեկացվում է, որ Ադրբեջանը «Սմերչ» կասետային ռումբերով հրթիռակոծել է համայնքը, նախնական տվյալներով զոհվել է մեկ խաղաղ բնակիչ։

Նշենք, որ այսօր ադրբեջանական ԶՈւ–ն ԱԹՍ–երով հարվածել են նաև մայրաքաղաք Ստեփանակերտին։

Ավելի վաղ հայտնել էինք, որ Քարվաճառի շրջանի Քնարավան գյուղի ռմբակոծության հետևանքով վիրավորվել է 1961թ. ծնված Մարինա Թևոսյանը: