«Կոչ եմ անում միջազգային հանրությանը՝ գործադրել բոլոր լծակները՝ զերծ պահելու Թուրքիային բոլոր միջամտություններից». Նիկոլ Փաշինյան

«ԵԱՀԿ Մինսկի խմբի համանախագահ պետությունների և միջազգային ողջ հանրության ուշադրությունը հրավիրում եմ իրավիճակի լրջության վրա»,- իր ուղերձում անդրադառնալով այսօր վաղ առավոտյան հակառակորդի սանձազերծած լայնածավալ ռազմական գործողություններին, ասաց ՀՀ վարչապետ Նիկոլ Փաշինյանը:

«Հարավային Կովկասում լայնածավալ պատերազմի բռնկումը, որի շեմին մենք հիմա կանգնած ենք, կարող է ամենաանկանխատեսելի հետևանքներն ունենա: Այն կարող է դուրս գալ տարածաշրջանի սահմաններից և ձեռք բերել շատ ավելի լայն մասշտաբներ՝ սպառնալով միջազգային անվտանգությանն ու կայունությանը»,- ասաց նա: Վարչապետը կոչ արեց միջազգային հանրությանը՝ գործադրել ազդեցության բոլոր լծակները՝ զերծ պահելու Թուրքիային՝ հնարավոր բոլոր միջամտություններից: