Երևան`   +11 °C
Այսօր`   Ուրբաթ, 30 հոկտեմբերի, 2020 թ.

«ԲՀԿ-ի ընտրակաշառք բաժանելու ժամանակ իշխանությունը որևէ պատասխանատվություն չունե՞ր». Արթուր Սաքունց

216
Շաբաթ, 26 սեպտեմբերի, 2020 թ., 23:40
«ԲՀԿ-ի ընտրակաշառք բաժանելու ժամանակ իշխանությունը որևէ պատասխանատվություն չունե՞ր». Արթուր Սաքունց

Իրավապաշտպան Արթուր Սաքունցը ֆեյսբուքյան իր էջում գրել է. «Մի հատ միամիտ հարց ընտրակաշառքի հիմքով Գագիկ Ծառուկյանի և ԲՀԿ-ականների դեմ հարուցված քրեական գործի հետ կապված։
Իսկ այդ ժամանակ, 2017-ին իշխանության ղեկավարները՝ ՀՀ նախագահ Սերժ Սարգսյանը, ՀՀ վարչապետ Կարեն Կարապետյանը, իրավապահ մարմինների ղեկավարները, մասնավորապես՝ ՀՀ գլխավոր դատախազ Արթուր Դավթյանը և մարզային դատախազները, ՀՀ ոստիկանապետ Վովա Գասպարյանը և ոստիկանության վարչության պետերը, բաժինների պետերը, նմանապես ԱԱԾ պետերը որևէ պատասխանատվություն չունե՞ն ԲՀԿ-ականների կողմից ընտրակաշառքի դեպքերը չկանխելու, չբացահայտելու, քրեական գործեր չհարուցելու համար։
Ուրեմն այդ ժամանակ իշխանությունը որևէ պատասխանատվություն չունե՞ր զանգվածային ընտրական կաշառքների դեմն առնելու հարցում։
Պարզ է չէ՞ հարցը։ Այսինքն՝ հանցագործությունը կանխելու համար անգործություն ցուցաբերած պաշտոնատար անձինք չեն ենթարկվում պատասխանատվության։
Եվ գործ ունենք օրենքի առջև բոլորի հավասար պատասխանատվության սկզբունքի կոպտագույն խախտման հետ, երբ քրեական պատասխանատվության է ենթարկվում միայն հանցագործություն կատարողը, բայց այդ հանցագործությունը կանխելու պարտավորություն ունեցողները պատասխանատվության չեն ենթարկվում»: