Չինաստանը ծրագրում է մինչև տարեվերջ #COVID_19-ի դեմ պատվաստանյութի ավելի քան 600 մլն չափաբաժին թողարկել

Չինաստանի իշխանությունները ծրագրում են 2020-ի վերջին կորոնավիրուսի դեմ պատվաստանյութի շուրջ 610 մլն, իսկ 2021-ին՝ ավելի քան 1 մլրդ չափաբաժին թողարկել: Այս մասին հայտնել է ТАСС-ը՝ հղում անելով ՉԺՀ-ի Առողջապահության հարցերով պետական կոմիտեի ներկայացուցչին:

«Մեր ընթացիկ գնահատականների համաձայն՝ այս տարվա վերջին կարտադրվի պատվաստանյութի 610 մլն չափաբաժին։ Իսկ հաջորդ տարի այդ ցուցանիշը կարող է հասնել 1 միլիարդի»,- հայտարարել է կոմիտեի ներկայացուցիչը։