Երևան`   +16 °C
Այսօր`   Ուրբաթ, 29 մարտի, 2024 թ.

«Հին ու նոր կազմը կարողանո՞ւմ է նորմալ աշխատել, միմյանց հետ «լեզու գտնել»». լրագրողները՝ Շաթիրյանին

215
Ուրբաթ, 25 սեպտեմբերի, 2020 թ., 11:10
«Հին ու նոր կազմը կարողանո՞ւմ է նորմալ աշխատել, միմյանց հետ «լեզու գտնել»». լրագրողները՝ Շաթիրյանին

Քննարկումներն ինչպե՞ս են անցնում. հին ու նոր կազմը կարողանո՞ւմ է նորմալ աշխատել, «լեզու գտնել». ՍԴ աշխատակարգային նիստից առաջ լրագրողներն այսպիսի հարց ուղղեցին ՍԴ դատավոր Էդգար Շաթիրյանին: «Այն, որ տարբեր հարցերի երևույթների շուրջ տեսակետները կարող են տարբեր լինել, կարող է լինել բուռն, թեժ բանավեճ, նորմալ եմ համարում»:

Հարցին՝ հնարավոր համարո՞ւմ եք, որ այսօր չընտրվի ՍԴ նախագահ, Շաթիրյանը կարծիք հայտնեց, որ տեսականորեն ոչինչ չի բացառում:

Հաջորդ հարցին՝ Խունդկարյանի ծրագրային ելույթը հարցեր առաջացրե՞ց ձեզ մոտ, նա արժանի՞ հավակնորդ է ՍԴ նախագահի թեկնածուի համար, ՍԴ դատավորը պատասխանեց. «Հասկանալի պատճառներով, ես այս պահին չեմ կարող մեկնաբանություններ ներկայացնել, բայց ես ունեմ իմ դիրքորոշումն այս հարցի առնչությամբ, և իմ մոտեցումը կարտահայտեմ քվեարկությամբ, որը գաղտնի է»: