Երևան`   +21 °C
Այսօր`   Շաբաթ, 19 սեպտեմբերի, 2020 թ.

«Նախնական տեղեկություն կա ազգությամբ մեկ հայի մահվան մասին». ԱԳՆ խոսնակ

388
Երեքշաբթի, 04 օգոստոսի, 2020 թ., 23:35
«Նախնական տեղեկություն կա ազգությամբ մեկ հայի մահվան մասին». ԱԳՆ խոսնակ

ՀՀ արտաքին գործերի նախարարության մամուլի խոսնակ Աննա Նաղդալյանը ֆեյսբուքյան իր էջում գրել է. «Լիբանանում ՀՀ դեսպանությունը (Լիբանանում Հայաստանի դեսպանություն Embassy of Armenia to Lebanon) կապի մեջ է Լիբանանի պատկան մարմինների և տեղի համայնքային կառույցների ղեկավարների հետ:

Հայահոծ թաղամասերում, ինչպես ողջ Բեյրութում, ավերածությունները զգալի են։ Այս պահի դրությամբ նախնական տեղեկություն կա ազգությամբ մեկ հայի մահվան և մի քանիսի՝ տարբեր աստիճանի վնասվածքներ ունենալու մասին՝ հիմնականում տներում՝ ապակիների փշրվելուց։

Պայթյունից մասնակիորեն վնասվել է նաև Լիբանանում ՀՀ դեսպանության շենքը:

Հնարավոր զոհերի, վիրավորների և պայթյունի պատճառած ավերածությունների վերաբերյալ տվյալները ճշտվում են, և դրանց վերաբերյալ հավելյալ տեղեկատվություն կտրամադրվի»:

Արևելք լրատվական կայքը հաղորդում է, որ զոհվածը Լիբանանի «Քաթաեբ» կուսակցության առաջնորդ Նազար Նաճարյանն է։