Երևան`   +26 °C
Այսօր`   Չորեքշաբթի, 05 օգոստոսի, 2020 թ.

Հայտնի է՝ ինչն է դարձել հարսի մահվան պատճառը հարսանիքի ժամանակ

339
Կիրակի, 12 հուլիսի, 2020 թ., 18:20
Հայտնի է՝ ինչն է դարձել հարսի մահվան պատճառը հարսանիքի ժամանակ

Մոսկվայում հարսանեկան խնջույքի ժամանակ հարսի մահվան պատճառը դարձել է անաֆիլակտիկ շոկը, որն առաջացել է ընկույզներից, հայտնում են ռուսական լրատվամիջոցները: 25-ամյա կինը մանկուց ալերգիա է ունեցել ընկույզներից, դրա մասին նախազգուշացվել է սրահի ողջ անձնակազմը: Ինչպես հետո պարզվել է, սեղանին դրված են եղել ընկույզի կտորներ պարունակող կոնֆետներ: Ողբերգությունից կարճ ժամանակ առաջ հարսը մի քանի կոնֆետ է կերել ու սկսել շնչահեղձ լինել:

Վրա հասած շտապօգնության բժիշկները չեն կարողացել փրկել նրա կյանքը:

Անաֆիլակտիկ շոկը շատ ուժեղ և արագ զարգացող ալերգիկ ռեակցիա է: Այն դրսևորվում է ջերմության բարձրացմամբ, առատ քրտնարտադրությամբ, գլխացավով ու սրտի շրջանում ցավով, ճնշման իջեցմամբ, շնչարգելությամբ ու ուշագնացությամբ: