Երևան`   +7 °C
Այսօր`   Ուրբաթ, 29 մարտի, 2024 թ.

Ստեղծվել է ինտերնետ հասանելիությամբ «խելացի դիմակ»

2485
Չորեքշաբթի, 01 հուլիսի, 2020 թ., 00:20
Ստեղծվել է ինտերնետ հասանելիությամբ «խելացի դիմակ»

Ճապոնական սթարթափ Donut Robotics-ն ստեղծել է ինտերնետ հասանելիությամբ դիմակ։ «Խելացի դիմակը» կարողանում է հաղորդագրություններ ուղարկել և ճապոներենից 8 այլ լեզուներ թարգմանել։
Սպիտակ, պլաստիկ սարքավորումը հարկավոր է կրել բժշկական դիմակի վրայից։ Դիմակը հեռախոսին կամ պլանշետին է միանում Bluetooth-ի միջոցով։ Սարքը հատուկ ծրագրի օգնությամբ խոսքը կարողանում է վերածել տեքստային հաղորդագրության, զանգեր կատարել և նույնիսկ բարձրացնել դիմակի տիրոջ ձայնը։
Ներկայացուցիչները պատմել են, որ տարիներ շարունակ աշխատել են ռոբոտի վրա։ Ապա օգտագործել են առկա տեխնոլոգիաները՝ համաճարակի ժամանակ արդիական արտադրանք ստեղծելու համար:
Առաջին 5000 «խելացի դիմակները» Ճապոնիայից կառաքվեն սեպտեմբերին, կվաճառվեն նաև Չինաստանում, ԱՄՆ-ում և Եվրոպայում։ Մեկ դիմակի արժեքն է 40 ԱՄՆ դոլար։