ԱՀԿ-ն հայտնել է Եվրոպայում կորոնավիրուսի նոր բռնկման մասին

Եվրոպայում կորոնավիրուսային համավարակի նոր դեպքերի թվի աճ է նկատվում՝ վերջին մի քանի ամիսների ընթացքում առաջին անգամ։ Այս մասին հայտնել է Առողջապահության համաշխարհային կազմակերպության (ԱՀԿ) եվրոպական տարածաշրջանային գրասենյակի տնօրեն Հանս Կլյուգեն՝ Կոպենհագենում կայացած ճեպազրույցի ժամանակ, որը հեռարձակվել է Facebook-ում: «Մինչ Եվրոպական տարածաշրջանը հայտնում է գլոբալ դեպքերի մասնաբաժնի նվազման մասին՝ համեմատած նախորդ ամիսների հետ, օրական շարունակվում է գրանցել մոտ 20 000 նոր դեպք և ավելի քան 700 մահ: Անցյալ շաբաթվա ընթացքում վերջին մի քանի ամիսների ընթացքում առաջին անգամ, Եվրոպայում նկատվել էր շաբաթական դեպքերի թվի աճ»,- նշել է Կլյուգեն: Կլյուգեն նաև նշել է, որ վերջին երկու շաբաթվա ընթացքում 30 երկրներում նոր համավարակի թիվն աճել է, որոնցից 11-ում նկատվել է նոր դեպքերի առանձնապես կտրուկ աճ, որոնց մեջ են Հայաստանը, Շվեդիան, Մոլդովան, Հյուսիսային Մակեդոնիան, Ադրբեջանը, Ղազախստանը, Ալբանիան, Բոսնիա-Հերցեգովինան, Ղրղզստանը, Ուկրաինան և Կոսովոն, վարակի արագացված փոխանցումը հանգեցրել է շատ նշանակալի աճի։ Միևնույն ժամանակ, Լեհաստանում, Գերմանիայում, Իսպանիայում և Իսրայելում իշխանություններն արագորեն արձագանքում են COVID-19-ի նոր դեպքերի աճին: