Երևան`   +5 °C
Այսօր`   Երեքշաբթի, 19 մարտի, 2024 թ.

Արտակարգ դրության կանոնները խախտելու փաստերով մինչ օրս կազմվել է շուրջ 23000 արձանագրություն

638
Ուրբաթ, 05 հունիսի, 2020 թ., 21:05
Արտակարգ դրության կանոնները խախտելու փաստերով մինչ օրս կազմվել է շուրջ 23000 արձանագրություն

Հանրապետության ողջ տարածքում ոստիկանությունը շարունակում է արտակարգ ծառայությունը։ Այս ամսին հայտնում են ոստիկանության լրատվական ծառայությունից։

Դրան զուգահեռ տարբեր վարչական շրջաններում իրականացվում են հատուկ միջոցառումներ՝ ապահովելով Պարետի որոշումների պահանջների կատարման արդյունավետ հսկողություն։

Փողոցներում տեղակայված հսկիչ-անցակետերում ոստիկանության տարածքային բաժինների, պարեկապահակետային ծառայության գնդի, ոստիկանության զորքերի ծառայողները ստուգում են անցնող մեքենաները։

Տրանսպորտային միջոցում վարորդը և ուղևորները պարտադիր պետք է լինեն դիմակով։

Ստուգվում է նաև հասարակական տրանսպորտը։ Ոստիկանները ստուգում են, որ ավտոբուսներում ու միկրոավտոբուսներում չլինեն թույլատրելիից ավելի ուղևորներ և վարորդն ուքաղաքացիները պահպանեն հակահամաճարակային անվտանգության կանոնները։ Տեղակայված անցակետերն, ըստ անհրաժեշտության, օրվա տարբեր ժամերի փոխվում և տեղակայվում են վարչական շրջանների տարբեր հատվածներում։

Ոստիկանները նաև շրջիկ ծառայություն են իրականացնում փողոցներում ու բակերում։ Ոստիկանական մեքենաների բարձրախոսներով հայտարարվում է անվտանգության կանոնների պահպանման կարգի մասին, նաև հայտնաբերվում ու պատասխանատվության են ենթարկվում Պարետի որոշումները խախտած անձինք։

Ոստիկանության կարգախմբերը, համագործակցելով տեսչական մարմինների հետ, ստուգայցերի միջոցով արդյունավետ հսկողություն են ապահովում բակերում, ինքնամեկուսացման ու մեկուսացման վայրերում, հոգեհանգստի և հուղարկավորության արարողությունների ընթացքում, առևտրի և հասարակական սննդի օբյեկտներում։

Ընդհանուր առմամբ՝ արտակարգ դրության իրավական ռեժիմի կանոնները խախտելու փաստերով մինչ օրս կազմվել է շուրջ 23000 արձանագրություն։

Արտակարգ դրության կանոնները խախտելու փաստերով մինչ օրս կազմվել է շուրջ 23000 արձանագրություն