Երևան`   +3 °C
Այսօր`   Հինգշաբթի, 19 նոյեմբերի, 2026 թ.

Համավարակի բռնկվելուց ի վեր բժիշկները հարձակման են ենթարկվել ավելի քան 200 անգամ

3649
Հինգշաբթի, 28 մայիսի, 2020 թ., 15:25
Համավարակի բռնկվելուց ի վեր բժիշկները հարձակման են ենթարկվել ավելի քան 200 անգամ

Կորոնավիրուսի բռնկվելուց ի վեր աշխարհի 13 երկրներում գրանցվել է COVID-19 բուժող բժիշկների և բժշկական հաստատությունների վրա հարձակման 208 դեպք: Այս մասին այսօր հայտարարել է Կարմիր խաչի միջազգային կոմիտեի նախագահ Պիտեր Մաուրերը։
Մաուրերը շեշտել է, որ բժիշկները հարձակման են ենթարկվում այն ժամանակ, երբ նրանց կարիքն ամենաշատն է զգացվում: Կարմիր խաչը տվյալներ է հավաքել Մերձավոր Արևելքի, Ասիայի ու Խաղաղ օվկիանոսի, Հյուսիսային և Հարավային Ամերիկայի, Աֆրիկայի 13 երկրներից:

Միևնույն ժամանակ, Մաուերը նշել է, որ «փաստացի թվերը, հավանաբար, շատ ավելի մեծ են», հիմնականում բժիշկները ստացել են սպառնալիքներ, սակայն կան նաև բժշկական հաստատությունների հրկիզումներ, որտեղ գտնվել են կորոնավիրուսով հիվանդներ: