Ինչ տեսք ունեն տարիներ առաջ լույս աշխարհ եկած եզակի երկվորյակները

Լուսանկարիչ Ջուդիթ Նվոկոչին 8 տարի առաջ լույս աշխարհ է բերել հիրավի յուրահատուկ երկվորյակ երեխաների: Նիգերիական ծագմամբ կանադուհու որդին՝ Կամիսը, ունի մուգ մաշկ, սև մազեր ու շագանակագույն աչքեր՝ մոր նման: Իսկ դուստրը՝ Կաչին, ալբինոս է:

Երբ Կաչին 7 ամսական է եղել, զարգացման բոլոր ցուցանիշներով հետ է մնացել իր տարեկիցներից: Բժիշկները հույս չեն տվել, որ նա կապրի, սակայն աղջիկը դիմակայել է դժվարություններին: «Վախենում էի, որ նա չի ապրի, ինձ թվում էր, որ ինձ ուրիշի երեխայի են տվել, չէի հավատում, որ նա իմն է: Սակայն երբ շոկն անցավ, ես հասկացա, որ նա իմ մի մասնիկն է, նա անգամ ինձ շատ է նման, ուղղակի ուրիշ գույնի է»,- ասել է մայրը:

Քույր ու եղբայր շատ կապված են իրար հետ, իսկ աղջիկը, բացի զգայուն մաշկից ու թույլ տեսողությունից, առողջական ոչ մի խնդիր չունի՝ ի հեճուկս բժիշկների կանխատեսումների: