«Կեղտոտ լվացքի պատմությունը կրկնվում է». Արսեն Խառատյան
«Ալիք մեդիա»-ի գլխավոր խմբագիր Արսեն Խառատյանը ֆեյսբուքյան իր էջում գրել է. «Կեղտոտ լվացքի պատմությունը կրկնվում է Տարիներ շարունակ, երբ Հայաստանում ընտրություն էր կեղծվում, մարդկանց հետապնդում ու խոշտանգում էին քաղաքական հայացքների համար, ճնշվում էր խոսքի ազատությունն ու քաղբանտարկյալների պակաս չունեինք, միջազգային պարբերականներում և կառույցներում խնդիրը բարձրացնելիս մեզ մեղադրում էին հակապետական գործունեության մեջ: Թավշյա հեղափոխությունը եկավ բացառելու «կեղտոտ լվացքը հարևանին ցույց չտալու» դեմագոգիան Հայաստանում, սակայն խնդիրը կարծես տարբեր է Արցախի պարագայում: Մասնավորապես, մարդիկ, որոնք խոսում են մարտի 31-ի ընտրությունների ընթացքում տեղ գտած խնդիրների մասին, հաճախ պիտակավորվում են որպես հակապետական, արտասահմանյան գործակալներ ու Ադրբեջանի ջրաղացին ջուր լցնողներ: Ստացվում է, որ թույլատրելի և ընդունելի է խախտումներով ընտրություն անել, իսկ դրանց մասին բարձրաձայնելը՝ անթույլատրելի: Հնացած այս «մեղադրանքները» ոչ միայն հարիր չեն նոր իրողություններին, այլև ուղիղ հարված են հեղափոխության արժեքներին, ինչի մեջ մեզ արդեն իսկ մեղադրում են: Ես միանշանակ կիսում եմ «Արցախը Հայաստան է և վերջ» ձևակերպումը, ուստիև՝ Արցախում կայուն և իրական ժողովրդավարություն հաստատելը պետք է լինի անքննելի առաջնահերթություն: Համոզված եմ, որ այս հարցում կոմպրոմիսներ չեն կարող լինեն, հակառակ պարագայում մենք կարող ենք կորցնել Արցախի մեր հայրենակիցների սրտերն ու փոփոխությունների հույսը: Ի պատասխան բազմիցս հնչած փաստարկների՝ թե Արցախի պարագան տարբեր է անվտանգության խնդիրներից ելնելով, հիշեցնեմ Բենջամին Ֆրանկլինի հայտնի խոսքերը. «Նա ով զոհաբերում է ազատությունն անվտանգություն ունենալու համար, արժանի չէ ո՛չ առաջինին, ո՛չ երկրորդին»»: |
«Եթե քաղաքական լուծումներ չգտնվեն, կարող է ծայրահեղ վտանգավոր իրավիճակ ստեղծվել». քաղաքագետ
6517:24«Մենք երբեք չենք մոռացել 4 գյուղերի հարցը»․ Ալիև
12116:54«Վտանգավոր 2 թեզ, որ շրջանառության մեջ են դրել իշխանության դրածոները». Արմեն Հայրապետյան
7116:48«Ընդդիմությունը պարտավոր է բարձրացնել կապիտուլյանտին անվստահություն հայտնելու հարց». Տ. Աթանեսյան
7016:30«Արդեն վախենալու է, թե Հայաստանի ղեկավարը վաղն ինչ ուղերձով է հանդես գալու»․ Վ․ Գեղամյան
6516:24«Բաքուն, առավել քան երբևէ, մոտ է Երևանի հետ խաղաղությանը»․ Ալիև
12216:00