Երևան`   +12 °C
Այսօր`   Հինգշաբթի, 02 ապրիլի, 2020 թ.

«Օլիգարխիայի ամենակարկառուն ներկայացուցիչը դրսևորեց իր իրական հրեշավոր դեմքը». Հմայակ Հովհաննիսյան

125
Երեքշաբթի, 24 մարտի, 2020 թ., 09:10
«Օլիգարխիայի ամենակարկառուն ներկայացուցիչը դրսևորեց իր իրական հրեշավոր դեմքը». Հմայակ Հովհաննիսյան

Քաղաքագետների միության նախագահ Հմայակ Հովհաննիսյանը ֆեյսբուքյան իր էջում գրել է. «Հայաստանյան օլիգարխիայի ամենակարկառուն ներկայացուցիչը ողբերգական այս օրերին, երբ մեր բազմաչարչար ժողովուրդը կանգնել է նոր զրկանքների ու տառապանքների առջև, դրսևորեց իր իրական հրեշավոր դեմքը:

Մամուլից տեղեկանում ենք, որ Հայաստանի ամենախոշոր գործատուներից մեկը՝ ԲՀԿ նախագահ Գագիկ Ծառուկյանը, որը ինչպես հայտնի է՝ «բիզնեսով չի զբաղվում», ԱԺ -ում լրագրողներին հայտարարեց, թե չի պատրաստվում վճարել իր աշխատակիցների հարկադիր պարապուրդի գումարը:

Միաժամանակ իր թվաքանակով երկրորդ ԱԺ խմբակցության օլիգարխ նախագահը բառացիորեն հայտարարել է. «Շանգրիլայի հարկերն էլ պետք է պետությունը տա, ժողովրդի աշխատավարձն էլ վճարի»: Պարետի որոշմամբ դադարեցվել են գիշերային ակումբների, խաղատների գործունեությունը: Դադարեցվել է նաև Ծառուկյանին պատկանող «Շանգրիլա» խաղատան գործունեությունը:

Հասկանալի է, որ եթե Նիկոլ Փաշինյանի վարչախումբը անմիջապես ու ամենակոշտ միջոցներով չհակազդի Դոդի Գագոյի այս դեմարշին, ապա պետք է սպասել, որ բոլոր գործատուները Հայաստանում կհետևեն օլիգարխ պատգամավորի օրինակին, և ոչ ոք իրավունք չունի նրանց դրա համար մեղադրել: Եթե պետության թալանի հաշվին հսկայական հարստություններ դիզած օլիգարխներն են հրաժարվում օգնության ձեռք մեկնել հարազատ պետությանն ու քրտնաջան աշխատանքով օլիգարխիայի հարստությունն ավելացնող աշխատավորներին, ապա դա պարտավոր չեն անել սովորական ձեռներեցները:

Մեծ հաշվով եկել է գորդյան հագույցը՝ օլիգարխիայի գլուխը կտրելու, իսկ օլիգարխների կողմից թալանված ազգային հարստություններն՝ ազգայնացնելու ժամանակը: Եվ Նիկոլ Փաշինյանը պարտավոր է այդ հանրային պահանջին արձագանքել կտրուկ և վճռական քայլերով»: