Երևան`   +7 °C
Այսօր`   Շաբաթ, 04 ապրիլի, 2020 թ.

Գայի պողոտայի և Լվովյան փողոցի խաչմերուկում բախվել է 4 ավտոմեքենա․ կան տուժածներ

182
Ուրբաթ, 20 մարտի, 2020 թ., 10:20
Գայի պողոտայի և Լվովյան փողոցի խաչմերուկում բախվել է 4 ավտոմեքենա․ կան տուժածներ

Մարտի 19-ին, ժամը 20:43-ին Ճգնաժամային կառավարման ազգային կենտրոն ահազանգ է ստացվել, որ Երևանի Գայի պողոտայի և Լվովյան փողոցի խաչմերուկում տեղի է ունեցել ՃՏՊ՝ բախվել է չորս ավտոմեքենա։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ բախվել են «Opel Astra» (վարորդ՝ Յուրի Մ., ծնված 1994թ.), «Toyota Camry» (վարորդ՝ Էդիկ Հ., ծնված 1995թ.), «Mercedes S600» (վարորդ՝ Կարեն Ղ., ծնված 1995թ.) և «Mazda» (վարորդ՝ Հայկ Հ., ծնված 1988թ.) մակնիշների ավտոմեքենաները:

«Toyota Camry» ավտոմեքենայի վարորդը տեղի ուժերով տեղափոխվել է «Սուրբ Գրիգոր Լուսավորիչ» ԲԿ, իսկ «Opel Astra» մակնիշի ավտոմեքենայի ուղևոր Նինա Պ-ն (ծնված 1996թ.) հոսպիտալացվել է շտապօգնության ավտոմեքենայով:

Փրկարարները փակել են «Opel Astra» մակնիշի ավտոմեքենայի գազի բալոնի փականը, հոսանքազրկել «Opel Astra» և «Toyota Camry» մակնիշների ավտոմեքենաները: