Բազմամարդ պատարագներ՝ Հայաստանի եկեղեցիներում

Այսօր՝ Մեծ պահքի չորրորդ կիրակի օրը, որը կոչվում է «Տնտեսի կիրակի», մի շարք եկեղեցիներում մատուցվել է պատարագ: Ըստ ականատեսների՝ ներկաներից շատ քչերն են եղել դիմակով, շատերն էլ հերթ են կանգնել՝ հոգևորականներից օրհնություն ստանալու համար: Ըստ տեղեկությունների՝ հատկապես բազմամարդ պատարագներ են տեղի ունեցել Էջմիածնում, Երևանի Գրիգոր Լուսավորիչ եկեղեցում, սուրբ Հովհաննես եկեղեցում, Գումրիի Յոթ վերք եկեղեցում և այլ կրոնական տաճարներում:

Հիշեցնենք, որ Հայաստանում կորոնավիրուսով վարակված քաղաքացիների թիվը 20 է։ Այդ դեպքերից 19-ը հայտնաբերվել է վերջին մեկ շաբաթվա ընթացքում։ Կրթական հաստատությունները, առևտրի կենտրոնները, մշակութային բոլոր օջախները չեն գործելու մինչև մարտի 23-ը:

Ավելի վաղ հայտնել էինք, որ Մայր աթոռը հայտարարություն էր տարածել՝ հայտնելով, որ վաղը ժողով է տեղի ունենալու, որի ընթացքում կքննարկվեն մի շարք կարևոր հարցեր: