«Հայաստանն ամենևին պատրաստ չէ համաճարակին». Հայկ Մարտիրոսյան
Քաղաքագետ Հայկ Մարտիրոսյանը ֆեյսբուքան իր էջում գրել է. «Սպիտակ տունն արգելել է ամերիկյան կառավարության Ալերգիաների և Վարակիչ Հիվանդությունների կենտրոնի տնօրեն՝ ամերիկյան ամենահեղինակավոր վիրուսոլոգ Էնթոնի Ֆաուչիին խոսել՝ առանց նախագահական աշխատակազմի թույլտվության: Նախօրեին Ֆաուչին զգուշացրել էր, որ վարչակազմի ձեռնարկած միջոցներն անբավարար են և որ կորոնավիրուսը դառնում է պանդեմիա և կարող է սարսափելի ավերներ գործել ԱՄՆ-ում և աշխարհում: Սպիտակ տան այդ քայլը բացատրվում է ԱՄՆ-ում աստիճանաբար տարածվող խուճապային և անհանգստության մթնոլորտի՝ անխուսափելի լուրջ ազդեցությամբ՝ տնտեսության վրա: Մամուլում փաստեր են հրապարակվում, որոնք ցույց են տալիս, որ երկիրը լիովին անպատրաստ է մեծամասշտաբ աղետին, իսկ վարչակազմը սպառնալիքին լուրջ չի մոտենում: Արդյունքում՝ վարչակազմը նախընտրում է առաջնությունը տալ տնտեսական առաջընթացին, մինչդեռ բազում մասնագետների և մամուլի կարծիքով՝ տուժում է առողջապահական անվտանգությունը: Այս առումով Հայաստանում նույն իրավիճակն է: Տնտեսության վրա ֆիքսված և այն իրենց հաղթաթուղթ դարձուած իշխանությունները խոր թմբիրի մեջ են և չեն պատրաստում ժողովրդին դիմակայելու կորոնավիրուսին՝ որպեսզի հանկարծ «պանիկա» չառաջանա, չեն ձեռնարկում անհրաժեշտ միջոցառումների ամբողջական սպեկտրը, որպեսզի հանկարծ տնտեսական վայրէջքներ չլինեն և արդյունքում վտանգում են հանրային առողջապահական անվտանգությունը: Եվ այստեղ Առողջապահության նախարարության դերը, ամենայն հավանականությամբ, մինիմալ է: Նման կարևոր և առանցքային հարցում՝ քաղաքականության պատասխանատուն երկրի առաջին դեմքերն են: Հայաստանը չի ձեռնարկում անհրաժեշտ բոլոր միջոցները՝ մինիմալիզացնելու վտանգը: Ընդհակառակը՝ չնայած տարբեր հայտարարություններին, մեծ հաշվով, պետությունն ամենևին պատրաստ չէ համաճարակին: Առավել պատրաստ չէ հասարակությունը: Հուսանք՝ լայնամասշտաբ աղետը կշրջանցի Հայաստանը: Բայց Հայաստանն այս վտանգավոր պատմական փուլ մտնում է բոլորովին մերկ և անպաշտպան»: |
Հիվանդանոցներում պետպատվերով բուժումները կասեցվել են. «Ժողովուրդ»
13219.04.2024, 08:30«Հնարավոր չէ պարզել՝ այդ մարդու կիստա՞ն է, թե՞ քսերոքս արած «տիպային» կիստա»․ Փաշինյան (տեսանյութ)
31718.04.2024, 12:24Հերթն Անահիտ Ավանեսյանինն է. «Ժողովուրդ»
35418.04.2024, 09:06Մանրամասներ՝ երրորդ հարկից ընկած երեխայի առողջական վիճակից
53917.04.2024, 21:48Առողջապահության նախարարության շուրջ սկսված գործողությունների ֆոնին՝ Թորոսյանը նախարարի պաշտոնի համար ընկերոջ PR-ով է սկսել զբաղվել. «Ժողովուրդ»
62317.04.2024, 09:06«Լրատվականներից եմ տեղեկացել խուզարկության մասին»․ Անահիտ Ավանեսյան (տեսանյութ)
86516.04.2024, 16:06