«Մարտի 1-ի քայլերթը կորոնավիրուսի շրջանում վտանգ չի՞ պարունակում». Սուրեն Պապիկյանի պարզաբանումը

«Առողջապահության նախարարությունը ռիսկերի մասին խոսել է, և այս պահին ՀՀ-ում նման ռիսկ չկա». փետրվարի 26-ին ասաց տարածքային կառավարման և զարգացման նախարար, սահմանադրական փոփոխությունների հանրաքվեի «Այո»-ի շտաբի ղեկավար Սուրեն Պապիկյանը՝ ի պատասխան այն հարցի, թե ռիսկային չէ՞ կորոնավիրուսի շրջանում կազմակերպել այնպիսի հանրային հավաք, ինչպիսին Մարտի 1-ի քայլերթն է:

Պապիկյանը նաև հորդորեց Մարտի 1-ի երթը չկապել քարոզարշավի հետ: Երթն ուղղված է զոհերի հիշատակի ոգեկոչմանը, և այն քաղաքական գործընթացի մեջ տեղավորելը ճիշտ չի համարում: