«Մենք բոքսի բարձիկ չենք դառնալու». Նաիրա Զոհրաբյան
«Հանրաքվեն կարևոր քաղաքական գործընթաց է բացառապես իշխանության համար, մենք շատ ավելի կարևոր ներքին և արտաքին քաղաքական խնդիրներ ունենք, և ՍԴ նախագահ Հրայր Թովմասյանի պաշտոնավարման հարցն առաջնային օրակարգ դարձնելն արդարացված չէ»,- «Արմնյուզ» հեռուստաընկերության եթերում ասել ՀՀ ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ, ԱԺ «Բարգավաճ Հայաստան» խմբակցության անդամ Նաիրա Զոհրաբյանը: Նրա խոսքով՝ այդ գործընթացն ի սկզբանե գնացել է իրավական լրջագույն խախտումներով. «Խոր մտահոգություն ունեմ, որ Վենետիկի հանձնաժողովը հերթական անգամ իր վերապահումներն է հայտնելու այս գործընթացի վերաբերյալ»,- ասել է Զոհրաբյանը: Նրա խոսքով՝ առաջիկա հանրաքվեի լեգիտիմությունը հետագայում կարող է կասկածի տակ դրվել, իսկ ԲՀԿ-ն չի ցանկանում մասնակցել իրավական առումով վիճելի և խոցելի գործընթացի. «Իշխանությունը շատ կուզեր, որ մենք «Ոչ»-ի ճամբարում լինենք, իրենց պետք է հակահերոս ռինգում, որ մեզ էլ նախկին իշխանության մունետիկ հռչակեն: Այսօր Հայաստանում իշխանությունը վիրտուալ իրականություն է ստեղծել և նախկինների հանդեպ ատելությամբ մանիպուլացնում է հանրությանը՝ իրական օրակարգերի փոխարեն կեղծ օրակարգեր առաջ բերելով: Մենք ռինգի բոքսի բարձիկ չենք դառնալու որևէ մեկի համար»,- ասել է Զոհրաբյանը: Նաիրա Զոհրաբյանի կարծիքով՝ ԲՀԿ-ն իր բոյկոտով իշխանությանը հնարավորություն չի տալիս հանրաքվեն սև-սպիտակի դաշտ տեղափոխելու: «Սա չպետք է լինի հեղափոխության վստահության հանրաքվե: Իշխանությանը պետք է հակահերոս, որ հանրության ներքին բնազդները սնեն այդ կերպարով»,- նշել է պատգամավորը: Մանրամասները՝ տեսանյութում: |
«Եթե քաղաքական լուծումներ չգտնվեն, կարող է ծայրահեղ վտանգավոր իրավիճակ ստեղծվել». քաղաքագետ
6517:24«Մենք երբեք չենք մոռացել 4 գյուղերի հարցը»․ Ալիև
12116:54«Վտանգավոր 2 թեզ, որ շրջանառության մեջ են դրել իշխանության դրածոները». Արմեն Հայրապետյան
7116:48«Ընդդիմությունը պարտավոր է բարձրացնել կապիտուլյանտին անվստահություն հայտնելու հարց». Տ. Աթանեսյան
7016:30«Արդեն վախենալու է, թե Հայաստանի ղեկավարը վաղն ինչ ուղերձով է հանդես գալու»․ Վ․ Գեղամյան
6516:24«Բաքուն, առավել քան երբևէ, մոտ է Երևանի հետ խաղաղությանը»․ Ալիև
12216:00