«Կառավարության նիստերի ժամանակ ինչու՞ են «է» օժանդակ բայի փոխարեն բարբառային «ա»-ն օգտագործում». Վարդան Հարությունյան
Հասարակական գործիչ, իրավապաշտպան, հրապարակախոս Վարդան Հարությունյանը ֆեյսբուքյան իր էջում գրել է. «Էս մեր 2018-ի հեղափոխությունից հետո լիքը անհաջող բաներ են եղել։ Բայց հեղափոխության բերած լավն այնքան մեծ է, որ դրա ֆոնին անհաջողները խամրում են։ Գոնե ինձ մոտ այդպես է։ Բայց հետհեղափոխական մի «ձեռքբերում» ինձ հանգիստ չի տալիս։ Անընդհատ բզում է, հիշեցնում իր մասին, ցավ է պատճառում, վիրավորում է։ Ժամանակ առ ժամանակ մտածում եմ՝ գրել դրա մասին, բայց հետաձգում եմ։ Սակայն, այնպես անտանելի է ցավեցնում, որ չգրելը դառնում է անհնար։ Ես, իհարկե, ոչ Լիզա Ճաղարյանի և ոչ էլ Հասմիկ Հարությունյանի չափ հայերենին չեմ տիրապետում։ Էլի անուններ կան, որոնց էս հարցում ես նախանձում եմ ամենաչար նախանձով։ Ոչ էլ ուղղագրության և ուղղախոսության հայտնի ջատագով եմ։ Ինձ համար սովորական հայագիր ու հայախոս եմ՝ իմ թերություններով ու իմ սխալներով հանդերձ։ Բայց, ժողովուրդ, մեկ է, չեմ հասկանում, թե կառավարության նիստերի ժամանակ ինչու՞ են «է» օժանդակ բայի փոխարեն բարբառային «ա»-ն օգտագործում։ Ի՞նչ է սա՝ մեծամտության դրսևորո՞ւմ, արհամարհա՞նք լեզվի նկատմամբ, թե՞ անլիարժեքության բարդույթ։ ԱԺ-ի մասին չեմ էլ խոսում։ Կա՞ բացատրություն»: |
«Ցանկացած երկիր, որը ցանկանում է ինքնիշխան դառնալ, պարտավոր է ընդունել այդ օրենքը»․ Վոլոդին
5019:00ԵԽԽՎ-ն ոչ լեգիտիմ է ճանաչել Պուտինի իշխանությունը
16018:00«Փաշինյանը Տավուշում մոտավորապես էս պատկերն է ներկայացրել»․ Դավիթ Գալստյան
8117:00«Հիմա ո՞ւր է տարածքներ տալը բացառած Հայկ Չոբանյանը»․ Ոսկան Սարգսյան
6916:48Վազգեն Մանուկյանը բաց նամակ է հղել Կոնստանտին Զատուլինին
8516:18Ադրբեջանի ՀԿ-ները բաց նամակ են հղել Նոբելյան կոմիտե՝ ընդդեմ Ռուբեն Վարդանյանի թեկնածության
8116:00